汪小菲张颖颖街头十指紧扣 饭后饮到脚浮浮

汪小菲（现名：汪少菲）自去年11月宣布与大S（徐熙媛）离婚，就即传出二人分开是因第三者介入，有指第三者正是内地女星张颖颖。上周有传汪小菲与妈妈张兰在海南岛度假，有内地网民目击二人与张颖颖同枱食饭，不过张兰就即日拍片否认。

 

有内地网民大年初二（2日）撞到汪小菲同张兰喺海南岛。

 

有传张颖颖都在场。

 

张兰拍片否认同张颖颖一齐度假。

 

有指汪小菲同大S离婚，系因为张颖颖介入。

 

今日有内地传媒报导，日前影到汪小菲喺街头拖张颖颖，今次似乎冇得唔认恋情嘞！影片可见汪小菲同成班朋友饮到醉晒，汪小菲仲一度企唔稳要人扶，不过佢似乎冇因为饮大咗而拖错人噃！一伸手就捉得住张颖颖只手，仲系十指紧扣。嗱！之前张颖颖曾经出过Po否认同汪小菲拍拖，其后即刻删咗个Po，唔知今次又会唔会出Po回应呢？

 

汪小菲被影到饮醉酒同张颖颖现身街头。（微博图片）

 

同张颖颖十指紧扣。（微博图片）

立即下载 | 全新《星岛头条》APP :https://bit.ly/3yLrgYZ