独家丨七师傅批王力宏够运唔易打沉 有因必有果吁艺人要检点

去年七仙羽（七师傅）曾打救郭奕芯、组合P1X3L及雷深如，连张敬轩都获她赐名「Super J」后，首夺「叱咤乐坛至尊唱片大奖」，睇齐张学友嘅「叱咤」大满贯纪录。问到如何拯救声名狼藉的王力宏？七师傅寄语每个人做任何事都要同自己交待，有乜嘢因就种乜嘢果。采访：方骞平 摄影：沈健程

催旺桃花 七师傅建议艺人放水种玫瑰花喺北位可催旺桃花运。

七师傅愈嚟愈红。

七师傅于《七救星》节目中曾出招帮艺人转运，雷深如(J.Arie)被七师傅揽完瞓街便断穷根，顺利开到处女个唱；P1X3L改法号「OMG」后夺得「叱咤生力军组合」铜奖；而郭奕芯获赐名「八鲜乳」变得工作多多，七师傅满足说：「我拍节目目的系普渡众生，艺人都系众生之一，节目令到佢哋展现到才华获更多人认识，同我合作嘅艺人运气好好，所以戥佢哋开心。」

揽住瞓街 J. Arie为断穷根，揽住七师傅瞓街。

夺新人奖 P1X3L获师傅赐法号「OMG」后夺得商台「叱咤生力军组合」铜奖。

工作不绝 郭奕芯获七师傅加持后工作不绝，于《七福星》中出任主持之一。

修行人唔犯口孽

问到如何打救被指「睡粉丝」的谭校长呢？七师傅认为传闻影响唔到谭校长：「我好忙，唔知呢个新闻系真定系假，但佢喺娱乐圈咁耐唱歌又好听，系值得尊重嘅前辈。我觉得支持你嘅人一定会支持你，好似我咁就算几有料几善良几正面，都会有好多人憎我，呢啲都系缘份嚟！阿伦冇问题，佢都有好多人锺意佢呀！佢人缘仲够。」

仍有嘢做 传出「睡粉丝」风波后，阿伦如常喺内地节目《时光音乐会》中演出。

年轻男女可选择

至于王力宏同李靓蕾离婚演变嘅丑闻，七师傅就话冇亲向当事人了解过，咁样会对佢唔公平：「好似有啲新闻屈我都冇向我求证啦！娱乐新闻笑吓咪算，就算艺人有绯闻都可以弹起，条条大路通罗马，当佢哋出返嚟就冇嘢㗎嘞！而且王力宏咁有才华同埋仲咁靓仔，运气仲ok。」她又以罗志祥(小猪)为例：「佢出返嚟冇人再关注佢啲负面新闻，其实艺人好勤力先有今时今日嘅名气，一旦俾负面新闻打沉对佢哋唔公平，后生男女有拍拖权利，唔啱分手都好正常，又唔系搞人妻。」

蕾神出招 李靓蕾不断出招，王力宏无力还击。

 

强势复出 小猪强势复出反应仲要几唔错。

姜涛「亚洲第一」
七师傅强调艺人形象好紧要，广告商尤其重视，故私生活要好检点：「我去年拍咁多个广告都系要经过审核通过，一分耕耘一分收获，好似张敬轩咁够勤力，永冇迟到。而且乜因就收乜果，每个人要同自己交待，人品好嘅话行条路都唔同。」她又预言人品好嘅姜涛可以做到「亚洲第一」：「佢唱得跳得又靓仔，而且性格好，够勤力，完全系集齐成功因素。另外，吕爵安(Edan)及卢瀚霆(Anson Lo)人气都会好旺。」

七师傅睇好姜涛将会系「亚洲第一」。

 

准时专业 七师傅大赞张敬轩好专业，从来唔会迟到。

热心公益 七师傅热心做善事，过年前拉埋郭奕芯及庞景峰派贺年食物。

 

形象入屋 七师傅因为有观众缘，去年拍咗半百个广告，其中一个跟黄徳斌合作。

戴上红Bra 七师傅喺《七福星》中为保锜戴上红当当胸围嚟应节。

立即下载 | 全新《星岛头条》APP : https://bit.ly/3yLrgYZ