独家丨黎诺懿疫市推慈善贺年糕点 出月饼蚀六位数照捐钱

黎诺懿创立个人品牌「店小懿」4年，疫市下今年继续推出贺年糕点做慈善，捐给香港盲人辅导会支援制作点字图书，而之前「姜糖」亦请来视障人士制作点字应援卡贺姜涛歌曲《Dear My Friend,》于多个颁奖礼夺奖，获赞有善心。黎诺懿坦言今次善举也获好友郑伊健及高海宁等应援，鼓励视障儿童培养阅读兴趣。采访：方骞平 摄影：沈健程

黎诺懿出贺年糕点做慈善，善款捐给香港盲人辅导会。

 

高Ling都好有善心。

 

识于微时的老友郑伊健好支持黎诺懿。

好有善心嘅黎诺懿希望今次筹得40万善款支援制作点字图书，问到会否拉埋好友郑伊健帮手？诺懿语带肯定说：「佢同高海宁都好有善心会搞嘅，除此之外有位圈外老人家二话不说认捐500底糕点，然后送畀有需要人士。」黎诺懿去年首出中秋月饼，其中他坚持推出200个20黄大月饼，岂料市道唔好销情失咗预算，蚀咗6位数字，但他没有介意：「唔紧要啦！虽然蚀咗少少但善事一样冇做少到，物资同样捐晒出去畀有需要人士，我谂制作贺年糕点货量会容易控制啲。」

去年黎诺懿首次出月饼蚀咗6位数字。

 

「姜糖」请来视障人士制作点字应援卡。

 

黎诺懿在记者会中亲自煎萝卜糕。

「小春鸡」变嗲BB

黎诺懿成为第2任爸爸后更关心儿童嘅成长需要，他自爆细仔「小冬牛」出生后，大仔「小春鸡」变得更嗲更加黐身，好似变返个BB仔咁：「有日佢坐住婴儿手推车，叫我推佢去金鱼街买金鱼，沿途又揽到实保护住包鱼，朝朝起身数数量，咁都好嘅，畀返啲责任感佢，而且可以分散佢嘅注意力，唔使成日引人注意。」

 

「小春鸡」好紧张宠物鱼。

 

黎诺懿有咗「小冬牛」后，长子「小春鸡」变得更黐身。

立即下载 | 全新《星岛头条》APP : https://bit.ly/3yLrgYZ