独家丨家燕姐成个星期冇见孙仔 疫情严峻周围拍嘢要好小心

日前薛家燕联同港姐宋宛颖、周志康、李丞责博士喺尖沙嘴星光大道拍摄TVB节目《新春开运王》外景，因为第五波疫情大爆发，加上周志康是「1月3日张敬轩演唱会群组」需强检，台前幕后都变得小心防疫，要戴返个透明口罩出镜防止飞沫。家燕姐坦言因为周围拍嘢，接触太多人，暂时不方便过去见孙仔，好挂住咁话！采访：方骞平 摄影：叶君海

家燕姐率宋宛颖、李丞责博士及周志康喺星光大道睇掌印。

 

当日主持人戴晒透明口罩出镜。

当日周志康到场即向家燕姐、宋宛颖、李丞责博士申报健康状况，强调去睇轩仔个唱前曾做检测，之后都做多一次，为人为己都会陆续再做。宋宛颖就笑住弹开话好惊，要跟他保持距离。虽然当日晨咁早开工，但都聚集咗一班途人围观，镜头前各人要戴返个透明口罩，帮唔到几多，但好过冇。

宋宛颖、李博士、家燕姐及周志康喺星光大道拍《新春开运王》外景。

 

家燕姐有唔少粉丝。

 

该集李博士教睇掌纹。

爆孙仔学定请请𢭃利是

家燕姐话疫情严重，加上日日外景，有一个星期冇去见孙仔Julian，原来新抱仔陈素怡（Zoe）趁呢几日教识8个月大嘅Julian做「请请」，学定跟嫲嫲拜年𢭃利是，家燕姐开心到不得了。曾预言家燕姐去年荣升嫲嫲嘅李丞责指家燕姐喺虎年唔止可以出外登台赚钱，仲会有机会攞奖，至于会唔会再抱孙？李博士说：「呢啲粗劳嘢留返畀后生做，三年抱两好正常，所以应该会有兔孙。」家燕姐笑言想得「最佳嫲嫲奖」，或者夺六合彩大奖都唔错。李博士再预言虎年疫情会减退，国泰民安，大家生活会回复正轨，当然防疫唔可以松懈。
 

家燕嫲嫲呻冇见孙仔一星期。

 

李博士预测家燕姐再抱兔孙。

 

家燕姐孙仔8个月大，愈大愈可爱。

立即下载 | 全新《星岛头条》APP : https://bit.ly/3yLrgYZ