狄维庄逊陪美人鱼囡囡床上睇卡通觉得好睇强烈推荐

2022-01-19 07:00

虽然疫情肆虐两年，但网上商机有增无减，特别系名人明星透过IG代言广告的收益，喺2021年不跌反升，IG有3.88亿追随者的曼联球星基斯坦奴朗拿度（C朗）荣登网上吸金王，一个IG Po可赚取160万美元（约1248万港元），而IG追随者比C朗少1亿（约2.89亿人）的狄维庄逊（Dwayne Johnson，巨石），网上代言费亦达152万美元（约1185万港元），仅以8万美元之差屈居亚军。

呢位搵钱好易嘅老窦好享受家庭生活，最锺意陪两个细女Jasmine和Tiana睇戏过周末，例如已陪囡囡睇「第8千次」的迪士尼歌舞片《狮子王》，最紧要囡囡锺意，陪睇1亿次都唔介意。

巨石话陪囡囡睇咗「第8千次」《狮子王》。

(左)Tiana及Jasmine同老窦食早餐。

巨石及大女Simone Alexandra Johnson。

狄维庄逊囡囡呢期锺意睇Netflix嘅动画剧集《Karma\'s World》，仲会着晒美人鱼衫坐喺床上面睇，最开心就系有爸爸陪住，巨石就咁讲，「我啲囡囡好锺意睇呢个节目，我强烈推荐呢个系列畀各个家庭收睇。」同埋佢仲恭喜剧集嘅监制，老友记Ludacris，因为动画第二季登上2021年全球前 10 名。