独家丨Archie Steven想挑战做古惑仔 《青春本我》后Felix望演癫佬

「声梦」Archie（冼靖峰）、火鸡（Steven、孙汉霖）和Felix（林智乐）在《青春本我》齐演学生，首次拍剧他们大呼过瘾，仲大爆拍摄时有不少趣事。三人虽然对唱歌兴趣较大，但有机会都想继续尝试演戏，Felix望有机会演癫佬角色，而Archie和火鸡对古惑仔角色特别有兴趣。采访：杜淑霞 协力：秦咏姿　摄影：叶君海、沈健程  发型：Torres Pang @via il colpo(Steven&Felix) 化妆：King Yip(Archie)、Mavis Chan(Steven)、 Wasabi Cheung(Felix)@Kings Makeup

三人都希望《青春本我》开拍第二季，「声梦」成员再一齐玩。

三人笑指因太熟经常鸡啄唔断，被导演要求停口。

剧中Felix和火鸡家庭背景有天壤之别，Felix富有到坚离地，而火鸡就要靠奖学金入读名校，不过他们笑指现实中两种生活都未试过。Felix怕演唔好开剧前仲搵老师恶补演技，而火鸡因拍剧第一次见识铁皮屋，「以前真系冇机会参观过里面个结构，原来都有冷气嘅。」

Felix要演离地有钱仔，单是讲对白节奏已考起他。

火鸡演基层学生想靠知识改变命运，所以成为「学霸」。

肥到爆裤头钮

三人中得Archie有感情戏，他觉得跟Lolita（蔡恺颖）谈情最难拿捏，「虽然有感情线，但乜都冇发生过，我哋唔需要对戏𠻹！（Felix：因为已经系！）你唔好乱讲嘢，所有误会都系咁样爆出嚟！我哋两个啲戏系冇乜对白，所以唔使对戏，但要做到嗰份尴尬，系另一种困难，加上我哋好friend做呢啲仲尴尬，但导演话『就系要你哋尴尬』，我哋每次停机仲会不停咁笑。」

Archie和Lolita有暧昧感情戏，因太熟反而仲尴尬。

Archie自爆跟Rock在拍剧期间身形暴胀。 ​

不过三人都认同拍摄过程好开心，又大爆Rock瘀事，「有单笑料，有次Rock坐落张枱冧咗，但系Sherman同Aeren一齐坐都冇事，哈哈！」Archie自爆都心广体胖，「我唔敢磅，但有日拍拍吓我条校服裤唔系紧咁简单，系爆咗粒钮。」虽然他们坦承最爱始终是唱歌，但有机会都想再演戏，Archie和火鸡都想演古惑仔，「我想演奸角或者古惑仔嗰啲角色，好似郑伊健好型。」火鸡说：「我都想做黑社会，有人话我唔使点化妆都似黑社会。（Felix：啲人话你似黑社会啲靓咋！）咁做咗低先有得做高嘛！」而Felix就想演癫佬，「演精神分裂嗰啲角色，多啲发挥空间。」

Archie觉得演奸角同古惑仔都好有型。

火鸡最想演黑社会角色，认为外形够神似。

Felix认为扮癫佬，最有发挥空间。

立即下载 | 全新《星岛头条》APP :https://bit.ly/3yLrgYZ