独家丨吴业坤望今年搵到圈外女友未来想主力做返歌手

2022-01-13 23:30

吴业坤最近在《异搜店》饰演跟本身反差极大的医生「Andy」，他直言没负评便当观众接受他演出。入行11年、快将32岁的坤哥，去年到日本工作假期后，令他重新审视人生，更加清楚工作方向，打算先打好歌手基础，还会继续进修完成学位，最重要是成功找到个圈外女友。采访：杜杜摄影：沈健程场地：GolfZon Hong Kong

2010年参加《超级巨声》出道的坤哥，对唱歌始终最大兴趣。

《异搜店》中角色「Andy」，跟坤哥本身反差极大。

坤哥接拍《异搜店》演「Andy」时，一直好惊有好多负评，「讲到我好靓仔又专业人士咁，究竟会唔会说服到观众呢？好彩出街到而家都冇收到啲负评，咁样又唔系成功，但系合格罗！（演戏进步咗？）唔系话演技，但希望可以有潜质去做到其他角色。」

坤哥在日本工作假期后，推出了歌曲《一路》。

坤哥跟周奕伟早前齐主持《好挂住日本》。

打算重返校园

日前坤哥在社交平台写上对《好挂住日本》感受「可能系最后一个喺公司嘅旅游节目」，他承认除了疫情影响，还因去完日本工作假期后，对工作及人生都有了新想法，「自己想专心唱歌，其实都有同公司讲过呢个意见，同埋系咪一直会喺公司！？（系咪完约？）仲有段时间，但系都要开始谂呢样嘢，喺公司咁多年绝对系对我好好，但要开始识谂自己想要啲乜嘢，究竟边度系最适合我。15年系成功做咗个歌手，但转头又继续拍剧，当然有呢啲机会系感恩，但慢慢又淡化对吴业坤唱歌呢个感觉，所以想呢年开始同公司讲，摆返时间喺唱歌。」

坤哥在社交平台写了对《好挂住日本》感受，提到未必再有机会拍TVB旅游节目。

16年，坤哥在《叱咤》夺得生力军金奖。

除了事业，坤哥还打算今年重返校园，但因选择困难，会交升学顾问决定读边科，「好似有个学位令自己安心啲，而家系兴奋嘅，以前读书系得过且过，但而家知学嘢袋入我袋，系自己选择又唔同。」人生当然还包括爱情，入行以来绯闻多多的坤哥，希望今年搵到稳定发展对象，「对象绝对会有，但系成唔成功系需要时间，（追紧？）或者我畀人追紧呢！哈哈！（圈外人？）如果都系圈中人，讲嚟讲去啲话题都系围绕住工作会冇咁好，搵到个理解你嘅圈外人系几好嘅。」预祝坤哥成功，快听到好消息啦！