莫丽淇参演美剧《Expats》 拒爆妮歌同导演不和传闻

飞机师艺人莫丽淇（Niki）、妈咪级Model香佩汶（Monique）等为网络平台拍摄广告，Niki近日被封「半亿主播」，她赚取半亿平台货币，市值近六百万港元：「疫情下有咁嘅收入梗系满意啦，但系就唔刻意谂点花呢笔钱，留住先罗！早前我有份参演妮歌洁曼嘅新剧《Expats》，剧组真系超级细心，有专人会照顾你冻唔冻、帮你换鞋，仲有人哋嘅特技、置景真系好劲，突然间成个场境横风横雨！不过导演同妮歌洁曼有冇『打大风』？呢啲唔好讲啦！近日可能受到疫情影响，暂时都未收到拍摄通知，咁我都会Ready个期随时拍摄。」

 

莫丽淇在《Expats》剧组时合照。

 

受到疫情影响，Niki的飞机执照惨变「雪藏牌」，她笑言要花时间再进修「操机」：「其实我都好熟揸飞机嘅，可能要半小时去Warm up搵翻啲感觉，要等到冇疫情嘅时候，返翻去美国再进修吓个飞行知识。」

 

可能受到疫情影响，妮歌未知几时再来港拍剧。

 

同场的香佩汶亦受疫情影响，暂停爱女的广告工作：「因为囡囡只系得两岁，工作就推晒唔敢接；我做嘢都要问清楚啲先，例如工作人员打齐针未？如果太多人嘅场合都未必会做。」。她指去年直播收入甚佳，囡囡不时「乱入」呃礼物：「其实做Live囡囡会冇啦啦入镜，啲人见佢咁可爱，就会送礼物比佢，大家帮佢改咗个名叫『小主播』，佢由细细个开始，已经自己识赚奶粉钱，仲要比我有天份，睇嚟我未来会系佢嘅『星妈经理人』。」

 

香佩汶有个小主播囡囡，笑言等做星妈经理人。

立即下载 | 全新《星岛头条》APP : https://bit.ly/3yLrgYZ