Juicy叮｜2岁儿半夜扭计大哭 港妈不满外佣扮瞓唔帮手氹

小朋友半夜哭闹，令父母头痛不已。一名港妈于讨论区发文指，其2岁儿子不时于半夜「扭计」大哭，她与丈夫哄睡多时亦不成功，遂请外佣帮忙，惟对方竟「扮瞓」不愿帮手，令港妈十分不满。

该名港妈于「亲子王国」发文指，其2岁儿子平日依赖外佣照顾，晚上则由她及丈夫「自己凑」。早前儿子于凌晨「扭计」大哭，楼主与丈夫多番哄睡亦不成功，「小朋友脾气臭，唔畀我哄，我哋第二日又要返工」，遂向外佣求助，但对方竟「扮听唔到唔肯起身」。

楼主透露，平日对外佣不薄，不但容许她「瞓晏觉」及于工作时间使用手机，甚至答允对方可外出过夜，惟外佣的表现却令她十分失望，「我畀足时间佢休息，尽量令佢舒服地工作。有时太竉工人都唔得，养唔熟」、「其实我无谂过佢会衰到扮听唔到，嬲嬲哋叫佢以后都唔准瞓晏觉！」

楼主直言儿子半夜「扭计」的问题难以解决，「佢成日瞓瞓下扭要人拍住佢瞓，唔拍佢又喊，唔理佢就成家被嘈醒」，不满外佣袖手旁观，「咁又唔系成日要佢帮，间唔到一次半次」，更形容对方「好唔helpful（乐于助人）」。

帖文引起网民热论，有网民认为半夜属休息时段，外佣拒绝帮忙亦无可厚非，「工人帮系人情，唔帮系道理」、「收咗工佢又真系有权唔起身帮手，同样你都可以唔畀佢瞓晏觉，呢啲系额外嘢，唔系老奉畀你瞓㗎」、「我觉得畀姐姐一个合理嘅连续休息时间系应该，做人阿妈唯有自己哽」；亦有网民认为解决小朋友半夜「扭计」才是治本的方法，「其实你要解决小朋友凌晨两点发脾气扰人清梦的问题才是治本，而不是怪工人不肯起身凑你小朋友」。 

资料来源：亲子王国

立即下载 | 全新《星岛头条》APP : https://bit.ly/3yLrgYZ