陈健安封球场前最后一踢 强尼赞佢劲过美斯

因为新冠病毒变种病毒株Omicron在港爆发第五波疫情，防疫措施再一次收紧，包括再禁晚市堂食、收紧入座人数、邮轮公海游停航、取消所有大型活动及康文署辖下体育场地会再度关闭，并已于昨日(7日)实施。

 

好锺意做运动，亦好Like踢波的C AllStar成员陈健安争取时间作封场前最后一踢，「踢埋今日又冇得踢，特别落力，好爽，然后一齐食饭饮汽水，又系食埋今晚，听日开始做宅男。」见佢出尽力带波，仲「通晒坑渠」，脚法相当唔错，踼波片一见光就惹嚟几位圈中男友人留言，包括Locker闹佢唔预佢啦、保锜赞佢劲、 Anson Kong叫佢渠王，最好笑系强尼，问巴黎圣日耳们嗰边有冇搵On仔?On仔答怕俾美斯传染(新冠肺炎)而推咗，「最强强尼」唔放过佢，「签咗你，佢走得啦！根本连传染你嘅资格都无啊。」On仔转数都几快，回佢，「其实传染只系藉口，其实我唔想俾法包𠝹损个咀仔。」

 

冇得踢14日波，自娱吓先。

On仔出尽力踢波。

通埋人坑渠。

冲呀。

Locker话On仔唔叫佢，保锜又赞佢劲，MR嘅MJ留言美斯。

强尼同On仔嘅对答。

AK赞佢系「渠王」。

 

C AllStar喺叱咤夺组合金奖及凭《集合吧！地球保卫队》拎咗专业推介．叱吒十大第七位。

立即下载 | 全新《星岛头条》APP : https://bit.ly/3yLrgYZ