独家丨何广沛大赞陈晓华EQ高　未敢问Do姐合作原因

2022-01-06 21:30

何广沛最近在TVB剧《异搜店》中饰演「阿信」，角色拥有异能，他很享受演绎这类超现实角色，不过今次喊戏极多，相当难应付。而对于连拍两剧的拍档陈晓华，广沛认为对方面对压力时EQ极高，比起自己当年做新人时叻得多。讲到跟Do姐首度合作主持《男神厨房》，他自爆到现在仍未知Do姐钦点他的原因。采访：杜淑霞摄影：叶君海服装：CHLXT 场地：Urban Coffee Roaster

广沛在《异搜店》角色「阿信」拥有异能，可透过触摸物件知它过去。

同晓华剧中有感情线，广沛仲跟对方传埋绯闻。

广沛继《食脑丧B》后，接着跟陈晓华合作该剧，他指拍摄时正值晓华首部剧《迷网》推出，坊间出现大量有关她演技的负评，但难得晓华背负惊人压力仍冇影响工作情绪，「作为新人佢呢头要消化大家讲嘅嘢，嗰头又要应付每日咁多拍摄，其实系好难，但佢做得好好，feel唔到佢有任何负能量，回想我做新人时都经历过呢个阶段，嗰刻我啲负能量连隔离组同事都见到，叫我放松啲，但我同晓华开工睇唔到呢样嘢，佢适应力好高，EQ好高，系叻女嚟，同埋有咩问题我一讲佢就明，话晒港姐冠军，美貎与智慧并重，蠢唔晒嘅。」

广沛大赞晓华叻女，比初出道的自己EQ高。

广沛拍住Do姐和王菀之（Ivana）主持《男神厨房》压力大。

为新剧学手语

主力拍剧的广沛，最近首度跟Do姐主持《男神厨房》，他自爆最初是Do姐点名叫他做管家，「我系受宠若惊，点会搵我呢？我又唔系主持出身，咁多年都系拍剧为主，就算做主持都系旅游节目，第一次做主持仲要喺个大厂度做，拍住Do姐其实压力大，同埋管家系要讲好多嘢，所有硬料流程规则都系由我讲，可能Do姐知我记忆力强，搵我去记晒，但拍剧有得NG，主持NG就唔专业，仲要现场咁多嘉宾睇住，所以头一、两集表现都好差，后尾熟习咗先识跟Do姐同Ivana 有讲有笑。」问到知唔知Do姐钦点原因，他就搞笑话：「唔够胆问，叫我做咪做罗！可能佢讲出嚟个理由好尴尬咪大镬。」