蔡一智57岁生日有发哥陪住跑 收囝囝自画全家福甜在心头

草蜢成员蔡一智噚日（3日）57岁生日，向来系跑步友，即使生日都风雨不改咁去跑步，仲有周润发（发哥）陪行山庆祝，真系令人好羡慕呀！

蔡一智喺社交网上载与发哥同老婆周雪芳嘅合照，三人都戴住蓝色帽，例牌由发哥揸手机拍摄，大家都笑得好开心。阿智在相中写着「Happy」，并留言：「生日可以同自己超级偶像一齐跑步是件幸福快乐事！#多谢发哥」再好hashtag好多个「Happy」睇嚟真系超级开心嘅一日。

 

一家五口全家福。

有生日蛋糕同寿包。

 

囝囝画晒全家人，好有趣，大家认唔认得边个系阿智？

小朋友画嘅生日「纸」，物轻情意重。

 

除咗发哥，阿智亦有同屋企人庆祝，并上载一家五口全家福，包括太太、一对仔女同继女，枱上摆咗蛋糕同寿包，仲有小朋友用笔记簿画嘅生日「纸」，有齐家人肖像，好得意。阿智留言：「Birthday card from my lovely boy…」，比起任何贵重礼物更加珍贵。

 

阿智同太太跟发哥一齐跑步庆祝57岁生日。

阿智好锺意运动。

 

 

立即下载 | 全新《星岛头条》APP : https://bit.ly/3yLrgYZ