沈卓盈放弃陪囝囝瞓觉坐成晚睇陈自瑶攞女配角

2022-01-03 20:00

39岁沈卓盈(Jess)跟39岁杜灏标于19年结婚，上年5月诞下儿子Jayden，小Jayden而家七个月大，睇开杜太IG都知佢有几幸福。

沈卓盈好享受凑仔。

寻晚，TVB举行《万千星辉颁奖典礼2021》，喺屋企凑仔嘅Jess都有喺屋企睇电视，仲因为见到老友陈自瑶(YoYo)凭剧集《宝宝大过天》得到「最佳女配角」超兴奋，即刻影低得奖画面连发多张限时动态和贴文恭喜老友，并写上：「Congratulations babe ，实至名归，今晚放弃了陪亚仔瞓觉嘅叉电时间，叫老公唔好冲凉坐定定睇，从来未试过睇颁奖典礼睇得咁紧张，见到你攞奖的那一刻，真的好感动哭了知道你热爱演戏也对自己要求很高，一直以来默默努力付出，今晚你的努力终于有成果实力得到大家认同，真系替你非常之开心，期待你以后有更多嘅收获，继续喺自己嘅舞台发光发亮。」

陈自瑶得知Jess放弃陪囝囝瞓觉都要拍低佢得奖一刻好感动，凌晨回应沈卓盈：「多谢你Baby，多谢我系你心目中咁重要，要放弃喂奶。在心中。」可能YoYo太兴奋，其实沈卓盈就无话放弃喂奶，瞓醒见到陈自瑶的回覆，Jess再次留言：「 bb寻晚都好兴奋半夜唔瞓觉，玩谢妈妈。」