独家│林雅诗赶买箧本月移居英国长期俾男人呃呻香港冇嘢留恋

2022-01-04 21:30

43岁林雅诗（Grace）2020年伤痛自爆经理人兼男友马天乐背她偷食女助手，更育有一子，令她饱受情伤。原以为她与马天乐早已分手，但今年6月女方竟在社交网直播与马天乐闹交内容，自揭原来未斩缆。为情所困的Grace日前出席活动自爆会逃离伤心地移居英国，话咁快呢个月就出发，日前就见到Grace单拖去买箧，电话访问Grace问到会否不舍香港？曾经历老公出轨致离婚及男友偷食的Grace坦言「香港冇嘢留恋」。采访：梁志明

日前本报在铜锣湾遇到Grace独自逛街，天气转凉亦无阻她晒美腿，身穿短裤配搭长褛及名牌袋，急步走入专卖名牌箧的铺头，事后她回覆本报透露应该最快本月离港

Grace离港前再买多个箧。

睇箧其间手机不离手，讲电话个样好认真。

最后决定买黑色箧，离开时手持单据，可能是安排店家送货。

移居英国万事俱备

Grace日前下午去铜锣湾买箧，见佢情倾黑色箧，睇嚟睇去最后都系望返黑色，睇箧其间系咁倾电话，神情好认真。收线后继续问店员有关箧嘅间隔，离开时手拿单据，相信已入手但选择送货。随后就到苹果专门店，又到名店睇手袋，未知是否想离港前再血拼吓，不过似乎睇唔啱款式。她回覆本报指本月将飞英国，准备嘅嘢都七七八八。又表示家人喺晒嗰边，有个照应，而同富商前夫温文英所生的16岁儿子温兆杰，几年前亦已开始在英国读书，更加不用担心。她指到苹果专门店是为了买最新的平板电脑，希望带到英国为儿子送惊喜，可惜冇货。

Grace到专门店询问完，最后两手空空离开，事后她同本报讲想买平板电脑畀阿仔，可惜冇货，似乎想买嚟做圣诞礼物。

当日天气几凉，但Grace唔怕冻，着短裤仔晒脚。

即将离港的Grace，一个人去行名店睇袋，可惜睇极唔啱。

有阴影暂不想拍拖

Grace称将定居英国南部，到达后将为家人打理在英国的生意，亦约定已移英的林子博在曼彻斯特见面。先前她透露因已决心离港，不惜放弃六位数片酬的电影拍摄工作，问到有否不舍香港？她说：「香港冇特别嘢可以留恋。」Grace于2015年与温文英离婚，男方被指出轨甚至疑似向Grace家暴，令Grace陷入低潮兼自残。以为遇上马天乐是她的救命草，岂料男方同样背她偷食。一直感情路不顺的她，准备到英国过新生活，问到有否期待新恋情？她笑言：「睇吓有冇缘份，不过暂时唔想拍拖，怕了。」睇嚟连环遇上贱男令她蒙上阴影，祝福佢早日喺英国搵到真命天子啦！