独家丨《造星IV》东东想做演员 KB畀80分赞叻女

东东（郭东彩）在《全民造星IV》最终30强止步，对成绩她已觉满意，认为这几月零收入兼使凸，但赚到远比想像多。举手被foul的东东，又指对做女团兴趣不大，未来想尝试行演员路，自评唱歌灾难的她更自爆被邀献魔音。而经理人KB（Kevin Boy）亦赞东东整个比赛表现达80分，之后会依她兴趣铺路发展。采访：杜杜 摄影：叶君海 发型：Terry Yeung@Yonda Hair 服装：服装提供：HER

睇见东东踩滑板时个样，就知有几锺意。

东东玩滑板时真系坚型，仲大玩花式Ollie。

东东直言最初对参赛没野心，以为第一轮已被踢走，想不到能玩到30强，已超额完成比赛，对于举手被foul获外界赞型，她承认唱歌跳舞并非想发展方向，未来除继续踩滑板和做美甲外，还想当演员，「我细个已经好锺意做戏，有参加过戏剧班，小学时喺大会堂表演过，但大个就冇乜机会接触戏剧，我就想而家开始接触返，慢慢学番点样做戏。」

身高169cm的东东加上靓样，够晒台型。

东东在96强入60强表演《侧面》，她形容当时唱歌是灾难级。

比赛零收入兼使凸

比赛除了令东东认清方向，赚得最多是友谊，「参赛最初我系摺摺哋，份人比较慢热，一开始谂会唔会有好多八婆嘢，但呢班女仔都好善良同好易相处，仲可以玩到好癫。」不过她承认比赛期间零收入，现要积极搵钱，「呢几个月都系靠积蓄同之前工作出嘅粮为生，都有啲压力，因为唔计食饭买衫嗰啲，净系坐的士都使咗4千蚊，嚟紧美甲店会开番，努力搵钱先。」她承认知名度提升，令美甲生意和工作都增加了20%，更不单有人冒名而来搵她美甲，还有邀请自评魔音的她献唱，「唔单止系女仔，令我惊讶系有男仔问过话想搵我整指甲。另外，我喺DM收到个邀请叫我唱歌，我都吓一吓，不过冇钱嘅后尾都拒绝咗，不过有钱叫我去表演我嘅魔音就考虑吓，哈哈！」

比赛中，东东尝试多个造型，性感look当然获赞。

东东连男人都扮埋，胜在够搞笑。

KB话撇清同东东关系也觉她表现不俗，「我会计返佢以前又哑又跛，所以会畀佢80分，差嗰20分真系喺唱歌方面，但佢最尾嗰个表演我真系O晒嘴咁正。」作为经理人KB强调会先拣东东喜欢的工作给她，「唔会叫佢做搵钱机器，首先问佢想唔想做，佢锺意做先可以感染到观众，下年佢想学戏会畀佢学。」

东东同经理人KB似friend相处，见面仲会打打闹闹。

东东为乐队Zpecial《深夜告别练习》拍MV，被徐濠萦发掘任模特儿再介绍给KB。