郑中基寸爆汉堡包货不对办 网民：你有压力个包都有

郑中基(Ronald)向来敢言，勇于发表个人立场，今日佢就喺社交网站出post，放咗个压扁咗嘅汉堡包，而个hamburger压到似凸埋条脷（烟肉）出嚟求救咁样，好搞笑！因为个包「淋pat pat」好唔开胃，Ronald抵死地用广告原图做对比，明显系货不对办，大图中hamburger嘅厚度系被压扁咗一半，Ronald寸爆留言：「系咪俾人踩咗脚呢？」

 

风趣嘅郑中基出Post都好笑过人。

 

呢个图文一出即惹嚟好多留言，网民好有创意反问：「系咪湘姐（经理人）帮你买㗎？可能怪错间铺呢！」有啲网民又好抵死咁话：「俾人踩到伸咗条脷出嚟」、「你有压力个包都有」、「伸晒脷好似好严重咁」、「汉堡包系欺凌对象」，甚至有网民放咗张扎脚图，留言：「包得太紧啫！」

 

经理人湘姐(左)、右系助手阿Step，两人跟Ronald系好拍挡。

 

网民留言好有创意。

 

又关湘姐事？