刘嘉玲几冻都Keep住跑步 自拍鞋仔好少女心

刘嘉玲近年定居上海发展，有一段时间冇喺香港公开露面，多得社交平台，同埋嘉玲姐又锺意玩网上平台，所以身处香港都可以知道佢嘅近况，可以隔空睇佢嘅豪宅又或可以欣赏到佢自编自导自演嘅搞笑影片及旅行风景照。

 

本月初，嘉玲姐在上海大搞56岁生日Party，梁朝伟更罕有陪伴，寿星女当日相当美艳。想好似嘉玲姐咁Fit?其实唔难，努力做运动就可以，嘉玲姐一向热爱运动，在港时就经常去行山，喺上海就特别锺情戴同一副防紫外光深蓝色墨镜出外跑步，胆拖跑友有丁子高，嘉玲姐IG就有好多同丁生嘅合照。

 

虽然寻日上海得7度，但无阻嘉玲姐出外跑步，心情大靓嘅佢喺IG连续Po出四张Snap Shot，见佢穿上羽绒背心保暖，唔知系咪着咗新鞋仔，见佢仲同对鞋仔影咗张相添，咁少女心嘅嘉玲姐相当可爱。

嘉玲姐在IG分享上海生活自拍照，并且写上：「It was freee-eezing!」

嘉玲姐自拍鞋仔好少女心。

嘉玲姐不时会邀请好友在上海的豪宅举行派对。

嘉玲姐56岁生日派对低胸性感亮相，当晚丁子高夫妇盛装出席。 ​

嘉玲姐同丁子高成日约埋跑步。