黄宗泽吴卓羲直播「放闪」朱晨丽惨变局外人

2021-12-28 16:00

黄宗泽（Bosco）同吴卓羲喺TVB年代已经一起成长，之后各自喺大陆发展亦有不俗嘅成绩。最近2人再度携手合作新剧《飞虎之壮志英雄》，并正在内地热播，日前佢哋就同埋剧中拍档朱晨丽一齐开Live，由于兄弟2人太过合拍，令朱晨丽仿佛变成「电灯胆」。

直播中，朱晨丽问剧中2人会唔会一齐瞓觉？黄宗泽笑住口话：「戏里面没有，现实当中有。我们可以演好兄弟演到80岁。」大家听完都觉得毛管戙，朱晨丽都忍唔住话：「太浪漫了吧！」其实Bosco同吴卓羲已经唔系第一次「放闪」，早前喺石滩手拖住手影合照，之后愈黐愈埋搞到好似咀嘴咁，早前佢哋同三哥苗侨伟宣传，三哥亦有爆料话吴卓羲有拖拍，笑说：「他应该爱上了黄宗泽，他们现在很恩爱。」唔知佢哋几时会组成「吴黄CP」一齐商演搵银呢？