雷有辉搵阿仔拍MV被10个女仔掴 雷玮陶睇新闻知晒老窦情史

雷有辉（Patrick）圣诞节推出新歌《女同学》，日前忙于拍摄MV，请来爱儿雷玮陶（Matt）绎演年青时的自己，周旋于数位「女同学」之间！Patrick笑言故事纯綷虚构，读书时期并不风流，更自称当年出名专一，并谓：「呢次系顺便将个『衣鉢』传畀佢，咁我就提早退休，屋企所有开支都交晒畀佢负责。」

 

Patrick在身边监场。

 

其实系叫啲女仔大力啲掴落去。

 

两父子默契甚足，访问其间大爆笑料，互相称对方为「Pat哥」、「师兄」，父子间完全没有隔膜。Patrick话老婆有来监场打气，其实是来「拣新抱」，搞到囝囝不知所措：「其实阿仔都系二十岁，唔使心急！以我所知佢都有试过拍拖，但呢一刻系单身，我紧系想佢感情世界丰富啲，头先女演员未埋位都会同我倾偈，人哋一OK就冷落我，好似透明咁，真系好惨。今次MV佢有10个女仔同佢烟韧，睇落好似好爽，但系每一场最后都要比对方掴一巴掌，你以为我企侧边系监场咩？我叫佢哋大力啲打落去，咁先拍得真实！」

 

Patrick叫囝囝承继衣鉢。

 

Matt自言乖仔专一唔似老窦咁花心。

 

囝囝雷玮陶就话今次「义工」演出，笑言自己不似爸爸花心，会专一对待女友：「其实佢以前啲新闻我都有睇过，都大概知佢嘅情史。今日我纯粹系做戏，现实中系一个乖乖仔。呢次MV『Pat哥』都话冇酬劳，最多系请我食饭，咁佢养咗我20年，都系时候要回报翻畀佢。」