独家丨《造星IV》IvySo对入女团冇信心　畀限期自己尝试幕前发展

《全民造星IV》1号IvySo（苏雅琳）在全无表演经验下，成功打入20强总决赛。其实IvySo初登场已成热门参赛者，靓女加开朗活泼，好受粉丝欢迎，她亦承认社交媒体follower大幅飙升，不过她自爆未瘦身时冇人追，恋爱经验只得一次。对于总决赛在即，她坦承入女团信心不太，但20岁的她仍想趁青春尝试在圈中发展。采访：杜杜、秦咏姿 摄影：叶君海、谭壹致

IvySo对于首轮演出后，获得不少粉丝支持感到意外。

IvySo认为比赛期间，跳舞是其中一大难题。

 

身为1号参赛者的IvySo，甫亮相已相当受欢迎，这是她完全没预计过，「我冇谂过嗰集出咗嚟会有咁大回响，follower由本身7百几升得好快变咗4千几，到现在已经有7万几，所以系有啲吓亲，从来冇谂过。」不过她承认男粉丝确实较多，「我睇过社交平台啲数据，可能我系读女校，之前都系7成女仔follower，而家男仔占7成，我都觉得好惊讶。」对于受欢迎主因是靓女，IvySo就唔多认同自己外形出众，「我觉得自己唔靓，又唔系特别叻，一开始都怀疑自己点解会入到96强，自己唔算特别出众，不过啲网民又好似觉得我几靓咁样罗！我仲唔系几敢睇自己playback，因为实力同外形都唔好睇，我其实系冇乜自信嘅人，譬如觉得自己颧骨好濶，个鼻又唔知点，我最锺意对眼，因为似爸爸同妈妈，佢哋对眼夹埋一齐好靓。」

IvySo觉得自己颧骨太濶，唔算靓女。

中学时期的IvySo，如她所讲同现在个feel差好远。

 

肥妹时期冇仔冧

IvySo更自爆以往曾是肥妹仔加上读女校，所以只拍过一次拖，「我中学时候同而家个feel好唔同，我之前戴细圆框眼镜，同埋好摺挂住读书好少出去玩，考DSE嗰时冇乜做运动好肥，最肥时有成57、58kg，而家瘦到49、50kg后，先会多咗人留意到我，所以我玩或者温书出街，都系同学校嘅女同学一齐，之前都只系拍过一次，不过感情嘅嘢就唔讲啦！」至于女神心目中的男神，IvySo讲明绝非外貌协会会员，性格好重要，但如果才华方面，就最好似师兄阿Jer，「佢唱歌非常之好，所以我都好欣赏佢，而且佢嘅音乐制作班底都好好，同埋佢喺演戏方面都有突破，跳舞又比《造星》嗰时有进步，我都想效法佢，尝试搵多啲可能性，再去突破自己。」

只得一次拍拖经验的IvySo，以往主要同女同学去玩。

 

正面态度对负评

虽然IvySo得到不少粉丝支持，但本身未学过唱歌跳舞，表现确实比起不少参赛者差一截，加上靓女外形，被指是花瓶的负面声音自然难免，但她完全不介意，还以正面态度面对，「批评同建议嘅comment我都会睇，对我进步嚟讲非常有用，如果唔面对嘅话，反而局限咗自己，我个目标系再争气多啲，唔想畀人睇唔起或者觉得我得个壳，想有个开心energy之馀，会有多啲嘢畀人睇到。」IvySo认为自己能够杀入总决赛都是见步行步，所以对入女团信心也不大，「如果性格方面系OK嘅，嚟紧有进步都有机会，但劲嘅人实在太多。」如果失落入女团机会，本身正在修读护士课程的她，仍会畀个限期自己尝试在圈中发展，但不排除回归学业，「我想发掘吓先，既然入到呢度，我相信系有啲特质会畀人睇到嘅，但喺下年开学之前，如果冇机会正式入行，都会考虑返番去读书。」

参赛后令IvySo爱上幕前演出，想继续向这方面发展。

顺利杀入总决赛的IvySo，直言冇信心能加入女团。