独家丨诸葛紫岐买恤衫畀囝囝心大心细 一见记者笑晒又挥手

38岁的诸葛紫岐（Marie），自12年嫁畀Neway二公子薛嘉麟后，即由模特儿变成阔太，过住令唔少港女非常葡萄的少奶奶生活。因为新变种病毒Omicron，Marie未能去美国过圣诞，去唔到旅行咪喺香港玩罗。日前Marie去买童装，见佢拣嘅都系斯文款格仔裇衫，可能买定畀两位公子参加Party之用。撰文:梁志明
 

 

Marie之前透露一家人原定去美国过圣诞，就连机票都订好，但因再次出现新变种病毒Omicron，两个分别8岁及2岁的囝囝薛华韬（Arthur）及薛华舜（Anderson）又年纪太细未能接种疫苗，最重要返港要隔离21日，因此被迫取消圣诞外游行程，好彩一向好体贴的大仔冇诈型。

件件都靓好难拣
一家人最紧要齐齐整整，去边都无所谓。日前下午，着住短身Jacket同阔牛仔裤嘅Marie去咗利园2期睇童装，见佢一入店就目标明确地只拣恤衫，黑白格仔恤、有煲呔嘅白恤衫同间条恤衫，睇完又睇，行足45分钟先拣啱，最后买咗两件黑白格仔恤，一件有呔一件冇，两件盛惠2千几。一畀完钱0离开， Marie见到记者即现笑眼，仲边行边挥手，亲善大使咁样。

 

先睇中呢件有呔嘅黑白格仔恤。

再睇中另一件冇呔黑白格仔恤。

呢件有煲呔嘅唔啱。

呢件间条嘅都唔啱。

Marie畀完钱离开即发现记者。

Marie一见到记者就现笑眼。

Marie做乜都Keep住好靓咁做，例如挥手。

上月，大仔Arthur 8岁生日，囝囝唔想搞生日会改去主题乐园。

Marie跟薛嘉麟结婚9年一直恩爱。