张秀文教堂行礼荣升人妻 媒人林盛斌喜见证：又搞掂一单
2021-12-23 15:30 
34岁张秀文上月在社交网贴出婚照，宣布喜讯嫁「皮草太子爷」王大业堂弟、年赚千万的金融才俊男友王大权（Billy），当时曾透露打算在明年办婚宴，原来二人今日已行礼，张秀文正式成为王太。二人的金牌媒人林盛斌（Bob）今午在网上贴出到教堂见证张秀文出嫁的照片，他与一对新人在以花束布置的教堂前合照，当中见到新娘子张秀文笑得甜蜜，而新郎的表情就显得有点紧张，Bob写上简单留言祝贺：「又搞掂一单！恭喜恭喜！」陈敏之及张名雅则以「拍掌」emoji道贺。
林盛斌回应出席张秀文婚礼表示好开心，因见到有情人终成眷属，他说：「要好多谢佢哋特别安排，完咗签纸仪式之后，佢哋喺教堂入面同屋企人合照，影完两张最重要嘅男家女家之后，主持人开咪叫我上去单独同佢哋影，突然之间觉得自己地位好崇高，哈哈！成个过程都好感动，特别系佢哋讲誓言嘅时候，我都眼湿湿！最好笑嘅系佢哋嘅爸爸妈妈同亲戚不断咁同我讲多谢，有两个亲戚仲问我有冇笋盘介绍俾佢个女！仲有新郎哥实在太客气，我都俾佢吓一吓，无啦啦塞咗封利是我，我话唔使搞呢啲嘢，推推拉拉咗一轮，佢话一定要收，啲宾客又喺度望住，搞到好鬼尴尬，哈哈！总之衷心祝福佢哋幸福快乐，快快脆脆生几个小朋友啦！」
最新回应