独家丨蔡洁等追求者直接表白 32岁冇时间玩爱情游戏

蔡洁在TVB剧《拳王》首度饰演任性千金小姐「江家晴」，更跟张振朗和朱敏瀚大搞三角恋。蔡洁话同角色反差好大，自己对住心仪对象会逃跑，角色会直接表白超级爽。年届32的她又搞笑谓时间宝贵，冇时间再玩爱情游戏，心急搵对象的她还公开呼吁追求者直接表白，赢得美人归的机会好大。采访：杜淑霞 摄影：叶君海 发型：Terrence Chan @HAiR 化妆：Chloe Yu 服装：Magazzin Group

32岁的蔡洁直言搵对象的时间好宝贵。

 蔡洁同「江家晴」最大分别肯定是爱情态度，那份坦白令她感觉超爽，「最爽当然系锺意就即刻讲，呢种表白方式我系冇试过，我就算系演员身份都未试过，今次佢系唔理对方同埋喺边度，总之锺意就会嗌出嚟，但原来个感觉系正㗎，我以后可以考虑试吓。」

现实中蔡洁绝对不会主动追男仔，表白更加冇可能。

平日好难喊的蔡洁，全靠姚子羚带入戏顺利演喊戏。

感激姚子羚带入戏

令蔡洁觉得好玩，因她遇到心仪对象竟然会调头走，「现实中我会走㗎！我锺意佢反而会对佢衰啲、唔睬佢，因为着紧嗰个人好惊做错少少嘢，可能会破坏个关系，咁不如唔好做啦！（男方会以为你唔锺意佢？）会呀！所以要嗰个人好主动先得，要促成一段喺我身上嘅姻缘，净系靠我就冇啦！对方至少要畀我知道先，好似『江家晴』咁嗌出嚟，我会觉得好有诚意，但细个会惊，而家时间宝贵，冇时间慢慢猜，大家直接啲会好啲。」

蔡洁首度出席TVB台庆，梗要靓晒镜。

蔡洁形容张振朗同朱敏瀚好痴缠，她跟前者做直播，后者会在楼下等。

该剧是蔡洁加入TVB后最重戏份一套，她承认压力大，「大家觉得你以前系拍电影，会对你有少少期待，但系其实我系嚿饭嚟，嚟到呢度佢哋先至系师兄师姐，佢哋好劲行埋个景度就做到。」她特别感激姚子羚带入戏，「我其实好难喊，但子羚开咗我呢个锁，我真系好多谢佢，我本身以为嗰场我要多啲时间，或者可能做唔到𠻹，但系我见到佢啲眼泪，我啲眼泪就标出嚟，佢带动咗我。」提到剧中跟张振朗和朱敏瀚的三角关系，蔡洁笑指自己才是第三者，因两人私底下太老友好痴缠，「不敢，佢哋先系一对，都希望嚟紧多啲合作。」

因疫情蔡洁跟在内地生活父母两年冇见，她望早日一家团聚。

10月时，蔡洁跟朋友合资开健身院，首度荣升老板娘。