王君馨离开TVB结束14年合作关系 感谢监制导演曾畀机会
2021-12-19 08:00 
35岁的王君馨（Grace）加入TVB已有14年，但于今年10月传出她因不满剧集《超能使者》的海报及宣传片被忽略，而且倾续约时有感被冷待，已有传她打算离巢。今晨（18日）她在社交网正式宣布与TVB结束宾主关系，并晒出一张穿毕业袍、戴四方帽，站在TVB的55周年布景板前照片，她留言称自己毕业，并细数入行以来的点滴，最后就祝愿「各位同事保重，江湖再见！」
王君馨写道：「我毕业啦！感觉上好似喺一间学校由BB班读到高中毕业。由选美开始，到舞动奇迹；跟住做主持、做司仪，开始我嘅演戏生涯；到星梦嘅唱歌比赛，再参与到好多年嘅台庆表演等等。好感恩呢14年可以试到咁多唔同范畴嘅演艺工作，让我更加知道我对performing arts 嘅热诚同喜爱。大家成日问我：唱歌跳舞演戏你最锺意边样？停一停、谂一谂，点解系都要拣？无论系唱歌演戏跳舞，我都唔会停落嚟，因为三样都俾到我唔同嘅挑战同埋满足感！
「喺呢度，好想感谢每一位照顾过我嘅好同事，教我中文、教我化妆整头、教我演戏，或者教我点样做一个更好更有毅力嘅人，尤其系我几位经理人：Derek爸爸、Amy妈、阿正、Veronica同埋乐小姐，真的辛苦晒你哋啦！我衷心多谢你哋每一位！亦都多谢每一位俾过机会我嘅监制同导演。喺每一个剧集或者节目上面都俾咗好多空间我去学习，同埋尝试好多唔同嘅角色！我第一日入行就系21岁嘅生日5月5号。今日最后一日亦都有呢个迈向55周年嘅里程碑俾我。It's been a great journey here and I wouldn't have changed it for anything because it made me into the person I am today!Thank you TVB!各位同事保重，江湖再见！」
最新回应