昆凌6岁囡囡写英文信畀圣诞老人 3个愿望考起妈咪
2021-12-14 10:00 
圣诞节将至，系好多小朋友喜爱嘅节日，因为除咗食大餐，仲可以收到「圣诞老人」（即系父母/亲戚/朋友）花心思送嘅礼物。台湾天王周杰伦（周董）嘅太太昆凌最近就喺社交网公开咗6岁大女小周周（Hathaway）一封用英文手写畀圣诞老人嘅信，落足心机画咗棵圣诞树同饼乾嘅插图，佢话：「给圣诞老公公，我是Hathaway，我今年6岁，谢谢你去年带给我的礼物，我很乖。」
小周周咁乖，当然要向圣诞老人许愿，讲出自己今年想收到嘅圣诞礼物，并列出3个条件：「我想要一些可爱的、白色的、还要跟猫咪有关的。」仲好窝心祝对方有个美好嘅旅程。
冇实际想讲要乜，反而令妈咪昆凌更加头痛，即向网民求助：「有任何好意见能给圣诞老婆婆吗？」集思广益下，有网民就话其实好简单，只要送番只可爱嘅白色猫咪公仔畀囡囡，或许可以一次过满足3个愿望。
最新回应