独家丨林盛斌避开敏感话题但求有趣 再开栋笃笑爆圈中秘闻

 

3年前阿Bob的3条血管塞晒，通波仔搞咗5粒钟。

阿Bob成功为张秀文牵红线下嫁笋盘。

林盛斌话醉酒失仪都系佢嘅人生课题。

林盛斌会摆埋房事上台。

3年前阿Bob的3条血管塞晒，通波仔搞咗5粒钟。

细仔Jaye好精灵，人见人爱。

有三女一子嘅阿Bob家庭生活好快乐。

42岁嘅林盛斌（阿Bob）将于本月18日在九展举行栋笃笑《The Bobfather 2021》，对于撮合张秀文闪嫁笋盘变身豪门新抱，阿Bob强调唔会在栋笃笑分享做金牌媒人的心得？他大笑说：「佢哋发展到我已经好满足㗎嘞！」采访：方骞平 摄影：沈健程

阿Bob曾于2015年12月18日在湾仔伊馆开过栋笃笑《Bob's Up》，当时大谈人生高低起跌，估唔到6年后的同一日再开show，他感慨呢6年香港社会环境有好大转变，希望开栋笃笑畀大家唞唞气，开心迎接2022年。

摆埋房事上台

关于内容，阿Bob坦言会自我审查避开敏感话题，着重讲吓家庭、事业、社会现象，希望得到大家共鸣：「会有少少揞名爆圈中嘅秘密嘢，但爆料唔会系主力，反而摆老婆同仔女话题上台，好似外间成日觉得我重男轻女锡晒细仔Jaye，其实系因为佢仲细会多啲关注佢，而且佢好嗲好得意，至于囡囡就大晒，佢哋识睇个世界，唔会再相信爸爸系最靓仔，𠵱家我喺屋企冇地位！我又会加啲创作元素爆老婆Pearl嘅嘢，如话佢成日假民主，甚至两公婆啲房事、两性关系等，少少咸多多趣！」

亦会提及醉酒失仪、通波仔走出鬼门关及点样面对网上攻击等话题。至于会否分享做金牌媒人心得？他笑说：「我当然好戥张秀文同王大权开心啦！其实只要两人发展得开心快乐，已经好满足，唔使特别多讲。」