吕爵安揽妹头贴头影相 Wyman羡慕想认Edan做大佬

MIRROR六子姜涛（Keung To）、卢瀚霆（Anson Lo）、陈卓贤（Ian）、吕爵安（Edan）、柳应廷（Jer）以及江𤒹生（AK）一连两场的《Music On The Road》演唱会圆满结束， 六子有屋企人捧场，一向好锡妹妹嘅Edan当然有邀请妹妹去睇Show，不过，可能时间太紧迫，阿妹未能去后台同Edan及一班怪哥哥合照，唔紧要啦，返屋企补返数。

Edan有名叫「宠妹狂魔」，IG有大量同妹妹嘅合照，寻日做完Show返咗屋企，Edan即刻揽妹自拍，呢位阿哥好识做，讲到明系自己要求个妹同佢影：「个衰妹次次扮咗靓靓先肯同我影相，我紧系把握机会。」然后就系一连串可爱兄妹合照动态图，毛姐留言：「妹妹好可爱。」而Wyman就表示羡慕：「哗，好幸福，请问我认你做大佬得唔得呀大佬？」咁Edan系未有回覆嘅。
 

edan 连发几张同妹妹嘅合照。

妹妹好开心。

Edan块面尖晒。

阿妹动作多多。

毛姐赞妹妹好可爱，Wyman就表示好羡慕。