贾晓晨患压迫神经脚痛不能走路 心痛囡囡疑食有问题食物高烧入院

贾晓晨（JJ）同樊少皇结婚后，诞下两个可爱女儿「小饭兜」同「小饭团」，但做全职家庭主妇实在太辛苦，JJ早前喺微博宣布要复出拍戏，但两个女咁细，又点可以一下子放手。

JJ日前又为囡囡而烦脑，透露自己平时精挑细选食材，点知都「中招」，畀咗啲疑似有问题嘅士多啤梨畀大女「饭兜」食，搞到囡囡喊住话肚仔痛唔舒服，仲发烧至38.7度，吓到JJ立即送囡囡入医院。佢话担心大家以为佢多疑，除了上载士多啤梨的相片外，仲透露自己食咗几粒后，都觉得有啲唔舒服，怒斥不良商家卖有问题嘅食物，呼吁大家要小心，注意食物安全问题。佢好无奈咁话：「看到孩子开心，我更开心；孩子难受，我更难受。」

JJ仲有感而发，话做妈妈真系一啲都唔容易，原来佢患咗压迫神经症，导致脚痛不能走路，已经卧床一星期，但为咗囡囡嘅生日派对，都要忍痛亲手帮囡囡布置生日布景板，母爱真系好伟大。