Edan自觉扮女人靓过教主 跟Jer女友相熟两人只系耍花枪

Edan(吕爵安）、Jeffrey (魏浚笙）、岑珈其、徐浩昌、刘沛蘅及黄正宜今日到新蒲岗为ViuTv节目《胶战S2》录影。Anson Lo(卢瀚霆）主演的电影《假冒女团》正在上映，Edan表示自己虽然好想入场支持，可惜未有空去欣赏，他说：「听讲几好笑，佢又扮女人，我都想睇。」问到看过AL 扮女人的照片后会给多少分？Edan说：「佢做返男人好啲，因为睇惯咗。我都想睇吓佢去得几尽，平时咁姿整，今次为咗角色放下偶像包袱，所以想支持吓。（AL也说自己扮女人样衰...）真系，（你扮女人会否比他更样衰？）我扮女人好靓，只要睇我阿妹就知，哈哈！」

同为MIRROR成员的柳应廷（Jer）刚传跟女朋友Kelly分手，Edan表示与Kelly亦是相熟朋友，有跟Jer了解，他说：「冇咩，只系耍花枪，唔使太紧张，但私人事都系留畀佢哋自己处理。（网民指Jer好怕女友？）某程度我都有责任，之前喺电台直播时取笑佢，其实佢系好锡女友，我就笑佢怕女友，其实唔系，佢都好威猛，经常振夫纲！（振还是震？）呢个我不知道，但佢哋好甜蜜，平日聚会佢都有带女友出嚟，当咗佢系阿嫂。」


在旁的Jeffrey被问到可担心与女友像Jer一样出现「小风波」？他说：「唔会，我哋好开心，系幸福快乐嘅两小无猜。」此外，Edan指《胶》节目还有3集便煞科，希望能再添食第三季。Edan和Jeffrey刚完成剧集《i.SWIM》拍摄工作，见Jeffrey 面形明显瘦削，Edan却讃对方非常健硕；而他早前因新歌破百万点击，笑言是难得机会骚肌：「我都想畀人睇下有啲料架㗎。」