推人落路轨｜指疑犯脾气古怪喜爱赌波赌马邻居：成日喺度嗌入呀入呀

2021-11-28 23:23

屯门轻铁大兴北站今午有女乘客被人推落路轨受伤，事后警方拘捕一名33岁姓丘男子，涉嫌袭击致造成实际身体伤害。据知，疑犯任职运输工人，居于大兴邨多年，有邻居向本报透露，疑犯脾气古怪，曾被人投诉电视声浪太大，又喜欢赌波赌马，「成日都喺屋入面嗌『入呀入呀』」

有女邻居指疑犯姓丘，叫阿乐，30多岁，身型大大只只，居于上址大约8至10年，「之前得佢阿妈喺度住，后嚟佢搬咗过嚟，但成日嘈交打交，之后佢阿妈就唔知去咗边，得返佢一个人喺度住」。她形容疑犯脾气古怪，经常不睡觉，曾被人投诉电视声浪太大，他的朋友亦会在深夜来访，「都知佢啲脾气，锺意就同你打下招呼，唔锺意就唔彩你…佢好似唔使瞓咁，以前我返凌晨4点，佢都唔闩门，见到我行过就话『你返工喇？』」

她更指，疑犯经常会在家中大吵大闹，又喜欢赌波赌马，「佢好奇怪，成日喺间屋度无端端会嗌呀，有时又会喺度嗌：『入呀入呀』」