海俊杰录新歌被监制叫回家唞唞 感激老婆牺牲瞓觉时间帮手化妆

海俊杰近日接受TVB娱乐新闻台《StarTalk》主播许文轩的访问，自从返娱乐圈发展后，海俊杰除拍电视剧外，近日亦再推出新歌《一切出门之后可能发生的事》，他回想制作此歌的经过：「录呢首歌嘅时候，撞正拍紧打拳节目《Fight尽》，当时每日不停操练，而我又唔系职业拳手，要一下子Push自己嘅状态上擂台系好辛苦。好记得拍完上去录音室成个人谢晒，监制庄冬昕见我咁嘅状况叫我不如返去，因为唱歌都需要好大气力，冇力会好影响录音。」

谈及新歌主题讲「珍惜」，海俊杰说：「依家我好珍惜家人同埋跟太太相处嘅时间，太太成日陪住我，佢做化妆师，有时拍剧都系佢帮我化妆，咁我又可以瞓多一个钟，不过佢就好辛苦，我拍剧通常开好早，我要叫醒佢帮我化，然后佢先可以瞓返，好阴功，系佢嘅牺牲！」