C朗细女4岁生日 富贵女友包室内游乐场开P

葡萄牙超级球星C朗（Cristiano Ronaldo）育有2子2女，包括11岁大仔小C朗，17年由代母诞下的龙凤胎，以及跟女友洛迪古丝（Georgina Rodriguez）所生的细女Alana Martina，话咁快细女4岁生日，爸爸忙踢英超唔得陪佢玩，但好彩有妈妈，仲要系有钱嘅妈妈，可以Book室内游乐场，Set晒汽球装置，仲请埋一大班小朋友陪着咗公主裙及戴咗皇冠嘅囡囡庆生。

佗住双胞胎嘅C朗嫂拍咗段片，由入场一刻拍到Party完结，可见场中有用汽球砌咗Alana个名，又有汽球拱门，寿星妹妹一入场已超兴奋通场跑，见佢玩咗好多嘢，有玩碰碰车、同C朗前皇马队友马些路（Marcelo）玩射龙门、睇动感3D电影、激光射击、狂玩滑梯等游乐设施，当然唔少得狂食小朋友好锺意嘅Junk Food，最后系吹蜡烛切蛋糕加拆礼物环节，相信以后啲礼物会愈拆愈贵。