古巨基囝囝第一次睇骚不停拍手仔 听到「爸爸爸爸」冧到入心

古巨基与太太陈英雪（Lorraine）一直恨生小朋友，去年3月宣布一索得男，囝囝「古巨B」Kuson现在已接近两岁，两夫妻锡仔锡到燶，经常在社交网上载一家三口开心片段。疫情期间，古家一直深居简出，基仔日前终于「复出」为寺院与香港中乐团一齐表演，并一口气连唱3首歌。原来当晚太太和囝囝都有去捧场，基仔昨日（15日）上载一段1分12秒的短片，听见囝囝不停嗌「爸爸！爸爸！」作为爸爸的基仔一定冧到爆！

基仔透露囝囝是第一次看他公开表演，写道：「古晋匡人生第一次睇爸爸公开表演！！第一次嘅反应，最珍贵，喺屋企听爸爸唱歌听得多，但系今次佢一定很好奇点解爸爸会对住咁多人唱？Kuson听听吓仲自己主动拍手，睇到呢个画面我真系冧到入心，妈妈话我唱完之后，Kuson一直叫爸爸Come叫到我落台。」
片段一开始，就见到Kuson由工人姐姐抱住，当音乐响起，古太Lorraine在旁说：「爸爸Singing！」当见到基仔出场，Kuson即手指指台上说：「爸爸！爸爸！」之后改由古太抱囝囝，听到爸爸的歌声，主动不停拍手仔，似乎好欣赏爸爸的美妙歌声，又再不停叫爸爸，Lorraine说：「爸爸唱完歌就嚟。」他即招手说：「爸爸Come。」非常可爱，连好友阿Sa (蔡卓妍）都留言表示：「好sweet呀！」