蔡卓妍不在港派猫咪陪庆生 卖口乖祝饼印妈咪日日都靓

蔡卓妍（阿Sa）系出名嘅孝顺女，噚日（5日）系Sa妈生日，阿Sa虽然唔喺香港，但都有越洋为妈咪庆祝，喺社交平台上载妈咪嘅旧相，拎住大束鲜花，笑容满载同猫咪合照，真系同阿女饼印一样。阿Sa乖巧留言：「Happy birthday mum！今年虽然陪唔到你过生日，但系我派咗呖咕（猫）同你庆祝，祝你身体健康、日日都靓、日日都开心，Miss u sooooooo much。」

而阿Sa最近就返内地，同「龙虎豹」容祖儿及锺欣潼一齐拍摄内地综艺节目《容我Sa娇》，佢透露网络收得有啲差，一直以为自己出咗post，但原来迟咗，但唔紧要啦，有心唔怕迟，Sa妈见到个post都会甜在心头，吴千语、锺舒漫、周家怡、容祖儿、郑欣宜等都有留言向Auntie送上祝福。