麦明诗转发《识男仔要学麦明诗》表不满 与陈思铭达成共识删文和解

麦明诗的母亲麦何小娟早前与曾跟唐诗咏传绯闻、英国升学顾问陈思铭出席一个电台访谈，分享教育经验。其后陈思铭在Facebook以「识男仔要学麦明诗」为题撰文，称麦妈妈指女儿细个性格叛逆和喜欢扮靓，去英国读寄宿学校时，都要拣读男女校，原因系想「识男仔」。

昨日（2日）麦明诗在其社交网转发此文章，并反击写道：「我阿妈退咗休，早几日去一啲机构分享吓送个女出国读书嘅经验（盛赞麦妈妈自力更生，赚钱养家），同『升学KOL』陈生同场，佢之后写咗篇文透过媒体发表，首先多谢佢文章嘅kind words，但系佢唔小心引用咗好多我妈妈冇讲过嘅说话，可能佢当时听得唔清楚啦。陈生，我记得你有我直接联络。俾个建议，下次随时send个whatsapp俾我，等我／我妈妈帮一帮眼先publish出嚟，一方面礼貌啲啦，另一方面可以避免写错嘢嘅风险。顺便讲埋，自小喜欢扮靓，会考嘅时候就唔会咁款啦。会考后系就系故意拣番男女校，话晒由小一开始已经读咗11年女校，再读女校有可能心理会唔太平衡，转吓环境可以学习同唔同人相处啫。不过的确，我阿妈真系好放手俾我去experience同埋试我想试嘅嘢，佢再从后支援，呢样嘢我自己觉得好正。Lunch hour都过咗lu，冇乜嘢我返出去做嘢先。」其留言获网民大赞有礼貌兼EQ高。

数小时后，麦明诗将以上文章删除，然后再写一段新留言：「万事以和为贵，经过沟通之后，了解到陈先生的好意，双方各有误会，为互相尊重及以免再为公众添麻烦，大家同意一起移除文章，谢谢大家」。