肥仔D.I.Y清洁工版峰田实 网民取笑白色短裤似纸尿片

玩游戏好叻，谂头又多的ERROR成员梁业（肥仔）喺IG上载咗今年嘅万圣节装扮。相中嘅肥仔非常骑呢，佢套住发网，戴住面罩，加上紧身黑色长袖衫、黄色披肩、一对洗碗用的胶手套、黑色Legging、D.I.Y白色短裤，萤光黄色袜子及黄黑胶鞋，原来肥仔扮紧《我的英雄学院》峰田实，但佢咁着去洗碗真心一流。

肥仔更公开了一段影片，片中经理人济哥非常兴奋地帮肥仔Set造型，旁边又有好多人喺度笑。网民见到肥仔呢身造型都大赞佢有创意，又留言叫肥仔「买条成人纸尿片」取代自制的白色短裤，而小花又赞佢系全香港扮得最似嗰个。