Dua Lipa着高钗薄纱裙扮艳鬼 贴住老友下身High爆跳舞

26岁英国女歌手Dua Lipa行开野性路线，之前同家人及朋友去阿尔巴尼亚玩足成个月，晚晚开P，瞓醒又喺泳池边开Noon P，万圣节呢啲日子当然有咁尽玩咁尽。

火辣Dua Lipa会扮乜嘢?当然唔系《鱿鱼游戏》角色，虽然佢都好锺意睇，但show唔到性感就唔关佢事啦。见佢Po嘅相，黑色丝绒低胸高钗裙配薄纱，可以完整Show晒成个靓Pat Pat，加埋嘴边嘅血迹，应该系扮一个艳鬼，扮乜唔重要，最紧要投入，见佢挨喺墙又瞓晒地扮晒好唔掂咁，无论装扮定演技都好高分。最后佢仲醒晒同朋友跳辣舞，贴住老友Pat Pat系咁扭，气氛超高涨。