方媛化身《美女与野兽》贝儿 城城单膝跪地重现童话经典一幕

郭富城有份主演嘅新戏《扫毒3》日前煞科，唔使开工，当然系全天候返屋企陪靓老婆方媛（Moka），以及两位小公主「大宝」同「二宝」。上月26日系城城嘅56岁生日，当日佢同老婆方媛衬到绝穿上红色情侣装庆祝，前晚（31日）万圣节一家人又再开心欢聚。

天王嫂方媛噚日（1日）喺社交网上载相片，见佢特意打扮一番，化身《美女与野兽》嘅贝儿，穿上瑰丽黄色晚装，妆容上亦花点心思，化咗个红色血妆，但依然鬼火咁靓；而男主角当然系城城，西装骨骨单膝跪地握住「贝儿」只手，重现童话世界经典一幕。
两位囡囡亦打扮靓靓，分别扮白云公主及蝴蝶喺露台影相，由朝早玩到夜晚，非常尽兴！网民都赞俊男美女，加可爱宝贝，简直系完美组合。