ANSONBEAN哈佬喂玩cover 胸肌涨卜卜跳到爆钮

创意多多的陈毅燊（ANSONBEAN），因为最近成日发梦玩「鱿鱼游戏」，而且爱上Lil Nas X Jack Harlow新歌《INDUSTRY BABY》，他决定趁星期日是「万圣节」制作自家企划，一手包办度桥、排舞、录歌、租场和道具，大呼过瘾，胸肌涨卜卜的他更跳到爆钮，非常落力。新片今日（29日）中午已在ANSONBEAN的自家频道上架，炒热节日气氛。
ANSONBEAN穿上「456｣ 号码的绿色运动服，被戴上三角、正方和圆形图案符号面具的红衣人胁持，他踎在地上又舔又笃焦糖饼。镜头一转在Club大舞场，ANSONBEAN换上型仔黑色西装与红衣人劲舞，胸肌涨卜卜的他一跳就爆钮，全场哗然，连他自己都忍不住大笑！

今次自家企划筹备一个多星期，期间撞正为少爷占开骚出任表演嘉宾，ANSONBEAN坦言时间紧迫好大压力，但顺利完成特别开心。由策划到每个细节都一脚踢，辛苦但过瘾，他说：「今次全部由我策划，由度桥、搵道具、地方、演员、排舞、录歌等，筹备咗一个多星期。自己一脚踢自由度好大，但要准备嘅嘢好多，全部自己搞掂，好有成功感。录音过程学到好多嘢，能提升唱功，好好玩，同做自己嘅歌感觉好唔同。」
之前企划以跳舞为主，今次加入剧情，一直希望拍武打片的ANSONBEAN，藉著今次企划自肥一番。他说：「最有趣拍打交戏，加埋『鱿鱼游戏』经典场口，好啱Halloween。下次可能会打得再劲啲，今次比较随意，下次认真度啲更劲嘅场面，例如打烂晒啲嘢，或者用刀用枪。（今次都有道具枪喎！）唔系我用，我只系被人用枪射杀嗰个！」他表示曾经在「万圣节」扮鬼修女与同学四处吓人，今年都会继续玩，至于造型就卖关子。