锺嘉欣《仁医》角色活泼得民心 网民力推拎返次视后

TVB台庆剧《星空下的仁医》自周一（18日）首播后一直备受好评，三大主演马国明、郑嘉颖及锺嘉欣的演技亦获赞，三人间偶尔「你窒我我窒你」兼互不相让的状态，更令网民大呼过瘾：「朋友就系咁。」三人当中尤以锺嘉欣带给观众最多惊喜，获赞「演技大跃进」，网民更希望现居加拿大的她能凭《仁医》勇夺视后：「呢次角色活泼得嚟唔太似以前嘅剧，自然咗好多」、「唔单止做得好过以前，仲要好靓女」、「佢今年系拎视后最好机会，佢过去咁多年都拎唔到，会多啲同情分，佢绝对值得拎返次视后」、「佢做专业人士好过成日喊」、「锺嘉欣愈大愈靓」。观乎嘉欣剧中表现，演技确是明显较前成熟内敛，数幕内心戏亦拿捏得宜兼有感人位，难怪网民劲Buy。

今次是嘉欣首度饰演要应付手术场面的专科医生，谈到首度踏入手术室拍摄如此真实场面，嘉欣坦言有挑战性：「我好锺意手术室入面嘅戏，我好锺意拍开刀同缝针戏，我发现原来我对呢样嘢有兴趣，同埋我唔惊见血。我好锺意章以芯呢个角色，我觉得做医生好有型，同埋著住手术袍感觉好专业，好有使命感。」嘉欣又坦言是次角色有一定难度：「最难系对白同医疗名词要讲得自然之馀，仲要Multi-Task，例如边检查边将个情况解释番畀个病患嘅父母听；因为平时单要讲大堆嘅对白已经好难，更何况要一路做住好多其他嘢一路讲。」

继吹笛病童乔乔（陈卓妍饰）个案睇到观众喊外，昨晚（22日）播出一集，催泪位则落在施焯日饰演的星仔身上，因患罕有病以致器官衰竭的星仔需接受心肝肾移植手术，但由于手术有争议性事情一直被拖延，最终星仔病情恶化，自感时日无多的他含泪告别父母的一句：「爹哋妈咪对唔住，照顾唔到你哋。下一世，我都要再做你哋个仔。」这句「我要再做你哋个仔」令网民大呼感动，更戥星仔能否获「生机」大感肉紧：「等到可以有手术，星仔又等唔到，编剧你同我出嚟！」、「好紧张呀！一定要撑住呀！」、「星仔捱唔捱到？」、「星仔等唔到器官移植，有啲伤感，想喊。」、「真系好惨，不过好写实」。另外饰演怪兽家长Betsy的张秀文，亦获网民赞演得入型入格，更有网民指她教囝囝光仔做功课教到大发雷霆一幕，是现实生活经常会在快餐店见到的真实情景。