潘晓颖母下周政总门外开记者会 望陈同佳出席「对话」

就陈同佳已离开安全屋，有网台播出潘晓颖母亲的录音回应，潘妈妈质疑，「深山有个杀人犯会否危害香港人安全？」，又指杀人犯可以自由出入是危害社会安宁。潘妈妈透露，下星期将会开记者会，希望陈同佳到场直接对话。

潘妈妈称，希望能当面向陈同佳询问一些事情：「陈同佳话当时阿女讲咗啲嘢刺激佢，然后就杀咗佢。但系而家我成日都喺传媒讲佢，我真系好惊俾佢杀咗我。我谂我真系要要求警方保护我先得架。但系我惊都无办法，我都要约陈同佳出嚟直接对话，有啲嘢我想直接问清楚佢，得个明白。」

她称：「下星期，喺政府总部门口开记招，到时会同传媒发放消息。希望佢到时一定要出席。」

潘妈妈又在录音中质疑陈同佳「获得自由」，指对方是杀人犯，如警方视若无睹会令她很难过：「最重要系特区政府完全无对我地受害者家属交代过，点解要将一个杀人犯静鸡鸡放生喺香港呢一度，而家一个杀人犯杀咗人，仲可以自由自在喺香港出入自如，自由上网，简直系非常之严重危害社会嘅安宁。但系警方可以完全视若无睹，真系令我哋好无奈同埋好难过。」

陈同佳案在台湾发生，由于港台两地没有引渡条例，港府建议修改《逃犯条例》引起严重社会反弹，最终港府搁置修例。