关心妍嬲足爸爸20年 幸临终前父女终和好

关心妍（Jade）早前为好友陈敏之的YouTube Channel节目担任嘉宾，Jade在2016年为丈夫杨长智诞下女儿心心，一度淡出幕前专心照顾囡囡，因明年是出道20年的关系，于是Jade决定复出兼推出新歌。

在访问上提到新歌《原谅的力量》将会推出，Jade坦言这首歌是写给爸爸：「最初同Wyman构思嘅时候，系讲我点样去饶恕我爸爸。嗰阵我谂番爸爸喺我好细个嗰阵同妈咪离婚，就走咗，我妈咪要一个人养两个人，之后我哋要好独立，10岁左右就要喺加拿大自己照顾自己，可以话冇爱又冇家，我会谂点解佢会唔要我哋呢？慢慢就会觉得既然你唔理我，咁我都唔会理佢。」

直到Jade结婚前夕，因为哥哥的关系而见过一次爸爸：「嗰阵我见到佢，好似陌生人一样，我哋20几年冇见，印象呢个系爸爸，但系到佢喺你前面就真系好惊，唔知讲乜好，系最熟悉的陌生人。」幸好当时有老公在身边，所以尝试慢慢去接近爸爸：「嗰阵我哋谂住每一年都逐步见面，估唔到隔咗年零，佢突然间中风，4日就变咗做植物人，本来仲谂会点样照顾佢，但系第二日就走咗。我估唔到连say goodbye嘅机会都冇。」幸好在爸爸昏迷期间，她与哥哥都表示已经原谅他：「我觉得佢系知道，系走得安心。」