锺培生请伊健MIRROR被拒 网民：唔系个个林作恨钱恨到唔要尊严

锺培生早前拍片声称「林锺一战」吸金8位数（以千万计），又大林作是「聪明仔」配合宣传策略。日前锺培生再拍片爆内幕，称一开始系想邀请人气偶像炒热个场：「一开始其实系有搵MIRROR、ERROR，但佢哋Turn down咗！」

当日锺培生坐住条龙从天而降出场，佢话由细到大都想做皇帝，久不久就会著龙袍，21岁生日都系著龙袍，原本仲构思搵郑伊健唱《数码暴龙》增加气势，佢话：「现场效果有一条BB龙啱啱出世，跟住喷少少火啦，然后变大，用CQ特效令条龙喺现场飞几个圈，不过郑伊健推咗，但我哋都系拣咗好贵嘅特效，本来搵郑伊健都唔会平啦！」

锺培生仲话系故意营造坏男孩形象，令拳赛爆发火花，佢觉得上一个代表香港嘅坏男孩系陈冠希，依家似乎就去咗ERROR成员193郭嘉骏身上，但讲到尾都系请唔郁。唔少网民就大泼冷水，留言：「唔系有钱大晒」、「锺生被派柠」、「伊健净系为钱就唔会推内地真人骚啦」、「唔系个个林作恨钱到唔要尊严嘅」等。