独家丨亚姐林宝玉爆阿仪月入五位数 为搵食拍剧兼任亚视经理人

被封为「翻版陈法拉」嘅亚姐林宝玉（Connie），唔止有32C-24-35 Fit爆身材，仲多才多艺，之前以特约演员身份演出TVB《爱·回家之开心速递》，饰渣男麦秋成玩弄嘅其中一个女友。最近她更由亚姐升任成为ATV艺人经理，管理网络红人薛影仪，份工够晒有挑战性，她坦言：「幕后系工作，幕前系追梦！」采访：方骞平 摄影：沈健程

31岁的林宝玉（Connie）参加上届的《亚洲小姐竞选》并夺得了「网络人气奖」，之后她不断客串TVB剧，包括《智能爱人》及《今宵大厦》等，就算𠵱家系ATV职员，但公司都鼓励她跟不同媒体合作。她说：「我职位系ATV艺员科经理，做呢份工嚟维持生活，而我有另一个梦想，就系过戏瘾。之前同麦秋成合拍《爱·回家》仲献出萤幕初吻，虽然只系点到即止，但体会到娱乐圈系咁多姿多采。」提起人夫咁兴奋， Connie即戴返头盔，「我谂汤怡唔会呷醋，因为麦秋成系好Pro嘅演员，拍前会同对手沟通好。」

自己都想出吓镜
提到管理阿仪嘅工作安排，Connie最初都有啲担心做唔嚟，庆幸都搞得掂：「公司有同阿仪沟通，会按佢意愿做每件事，仲会同佢筛选工作，唔会帮佢接啲交友apps，如果佢太攰都会安排休息。」阿仪之前差唔多日日都见报，Connie就大爆阿仪出道后头一个月就接咗20个Job爆晒骚，加埋底薪一定有5位数字薪酬，佢仲话阿仪非常满意。带阿仪出Job出得多，Connie都好想自己有机会出吓镜，所以应记者要求影返辑三点式靓相，要性感冇问题，最紧要靓。