麦包细数历任「麦秘书」特点：朱茵系活泼开朗精灵聪明

由谭玉瑛、黎芷珊及盖世宝担任主持的TVB综艺节目《童你一起长大了》昨晚（10日）播出的第二集，当年饰演「麦侦探」的麦长青（麦包）以及「四眼鼠」的张沅薇齐齐现身录影厂，张沅薇与黎芷珊、朱茵及姚安娜当年均曾为麦侦探担任秘书，麦包更细数各人特点：「第一代芷珊系靓嘅，朱茵就精灵嘅。不过芷珊系锺意扮靓，管家婆类型；张沅薇就纯粹靓，不过冇脑！」谈到当年朱茵美貌令《闪电传真机》台前幕后为之惊艳时，麦包却谓：「系咩？唔好意思呀，阿茵，我唔会用『靓』形容，我只会用活泼开朗精灵聪明形容。你同朱茵拍嘢，佢转数好快、度嘢好快，亦都畀到嘢出嚟。」

以拍片形式与大家「敍旧」的朱茵，则大赞麦包是暖男大哥哥：「我唔开心，佢会问我点解唔开心，『唔好咁啦，请你食嘢，唔好自己一个啦』，所以觉得佢好亲切，我觉得麦包系我最friend嘅一个主持。」另节目还曝光了朱茵的可爱童年Look，观乎该数张照片，足证甚么是「三岁定八十」。另一「麦秘书」芷珊，则大爆当年经常与麦包「拍到嗌交」兼各持己见，麦包忆述：「好记得有一次芷珊企喺度，我坐喺度，大家拗紧个剧本，佢问我系咪我唔照你意思做，你就唔拍，我就话系。」芷珊笑谓后来因「赶收工」被逼「屈服」，并笑指麦包「好锺意改剧本」：「佢要改埋你嗰个跟埋佢，不过佢改咗真系好嘅。」麦包又自爆当年的麦侦探All Back造型，是跟足电影经典角色「赌神」：「我当年塑造角色时见到麦侦探永远都啱晒嘅，我就环顾当时电影，只有一套都系永远个主角啱晒嘅，就系《赌神》。所以我就用赌神造型，一除帽就All Back。」

今集还请来了当年儿童节目一众小演员敍旧话当年，当中包括「始祖」级、曾获TVB颁发长期服务金牌的罗洛芹及刘净然，以及三岁便入行的黄礼文等。为了答谢当年一班哥哥姐姐级主持的悉心照顾，三人亲手炮制「感谢曲奇」，还边整曲奇边细数历代主持，其中郑伊健被评为「最大细路主持」，黄文礼谓：「佢会买最新嘅游戏机，然后同我哋玩成一堆，朋友咁㗎大家。」