卢觅雪大玩真心话游戏 公开减磅后上围跌至38C

卢觅雪昨日（6日）接受网上平台节目《月倾会》节目访问，主持人林柏希（William）问她为何搞栋笃笑骚，卢觅雪坦言要跳出舒适圈：「当你enjoy一个工作，你系唔会觉得辛苦！当然栋笃笑我系未做过，我依家都知道系攞苦嚟辛嘅，但系如果作为一个艺人系要尝试唔同嘅嘢。」觉得自己甚么最吸引人？卢觅雪搞笑谓：「梗系靓女同身材！」
之后卢觅雪要接受《大胆答 冇胆食》真心话游戏，若果她不敢答，要即食由越南空运来港的鸭仔蛋。而首个问题即问卢觅雪的三围，她即答：「我真系唔系好掌握到，cup数我记得，因为我瘦咗之后依家系C级啫，我依家都唔系好肯定36定38（上围）咁啦，腰呀，我谂32咁上下啦，箩柚应该40！」

最后林柏希再问卢觅雪有否曾和圈中人拍拖，以及有否性幻想对象？她笑谓：「冇啦啦点会有，你要记住，梁朝伟会唔会追我吖？」林柏希就抵死地说：「咁圈中人都可以系罗莽！」雪雪即爆笑谓：「咁我又识唔到罗莽，我同林雪好好感情，OK，我会锺意林雪罗如果系！」

林柏希亦有问到现年57岁卢觅雪的爱情故事，她自爆第一个单恋对象是一个外貌似足林子祥的大哥哥，现正单身的卢觅雪错过结婚生儿育女的时机，有否遗憾？她谓：「冇得后悔，呢个世界冇如果。依家我两只猫不知几咁可爱，我都做紧阿妈。」