伍仲衡睇中Yumi舞艺搞旺场

　　(星岛日报报道)音乐人伍仲衡（Harry）继今年3月在旺角麦花臣场馆举行两场音乐会后，由于反应热烈，今个月乘胜追击移师到九展Star Hall再开《伍仲衡再搞花臣音乐会》，场馆除了可以容纳更多观众，伍仲衡更邀请了不同年代的歌手担任嘉宾，其中只有14岁的《声梦传奇》学员锺柔美（Yumi）亦都榜上有名，二人再次合作，Yumi直言兴奋又紧张！

　　曾担任《声梦》评审的伍仲衡，今个月在九展举行的音乐会，特别邀请了《声梦》学员Yumi 做嘉宾，伍仲衡承认睇中Yumi跳舞出色，能够在音乐会中搞气氛！伍仲衡更对Yumi 有赞冇弹：「虽然之前做《声梦》评审，但都冇同佢接触过，真正嘅沟通系上一次做live。嚟紧个show， Yumi就会做我嘅嘉宾！我觉得佢靓罗，我一路以为佢16岁，原来佢只系14岁小妹妹！不过见到佢一跳舞嗰种自信就真系好成熟，嗰种眼神好自信！Yumi嘅天分系散发喺血液入面，流住跳舞嘅血液，话晒佢都系跳舞世家。我都有问Yumi想喺演唱会唱咩歌，不过我当然想佢跳舞啦，一定会令到现场气氛好好！」

　　得到前辈赏识，锺柔美Yumi就话自己当日一收到邀请，立刻答应！Yumi : 「我当时即刻应承，首先冇谂过完咗声梦演唱会就即刻会踏上另外一个舞台，自己本身都冇谂过再有呢个机会！知道嚟紧系四面台都有啲紧张！但系都好期待！」

　　有「翻版锺嘉欣」之称的Yumi 今年虽然只有14岁，年纪轻轻，但她6岁开始已经参加不同歌唱跳舞比赛，幕前和舞台经验都相当丰富，问到Yumi 从小参加比赛，目标是否想成名？她谦虚表示目的是想向他人学习，Yumi : 「我细细个参加咁多比赛，系因为我想见多啲其他人，我想喺外面嘅世界认识多啲，学习多啲！妈咪知我好锺意唱歌，就会帮我报名，每次我都会话好，自己乜嘢都想试！但今次呢个声梦比赛就好唔同，因为系一个好大嘅舞台，又配合好多专业嘅资源，所以我踏上星梦呢一个舞台，真系好开心！」Yumi 亦都曾经参演过无线剧集拍摄，Yumi : 「我有拍过剧，做人哋个女，有对白嘅！因为嗰阵我系家燕妈妈艺术中心嘅学生，喺嗰到学跳舞、唱歌、演艺，所以透过佢哋都有好多拍剧嘅面试机会。」从未拍过拖的Yumi虽然是A0，但样子甜美的她，绝对是学校的「校花」，问到Yumi过往在学校是否吸引不少男同学追求？Yumi就例牌表示读书行先：「我就觉得要读书先，因为年纪都系仲细！我自己系读男女校，我喺学校只系做返自己学生嘅本分，同朋友玩、读书，唔会话因为我参加咗比赛而喺学校特别威！」