马德钟《我家》角色获平反 被赞似孟波搞笑掂

马德钟在TVB剧集《我家无难事》中饰演的大哥「得勤」，自私兼自以为是，为人又小器，开播以来招惹一定负评，网民直指其角色未够讨好：「成世靠阿妈靠老婆！」、「得勤呢个角色，唔知系佢自私自利搵屋企人笨，定系佢活喺自己世界，真心觉得自己为屋企人好。」
其实得勤虽然缺点多，但内心却关心及紧张家人，且对唐诗咏饰的前妻「羽菲」十分著紧；加上是次马神放下「潇洒正气」包袱，饰演动作、表情夸张、带点心机女而又小器的伪大男人，由于演得入木三分，逐渐成功赢回网民心，近日评论转负为正，大赞：「马神角色真系好似孟波，以前觉得佢唔识做戏，原来搞笑掂！」、「马神胜在呢个年纪身材仲好fit，又够高大，都算靓仔，好适合做类似孟波的搞笑但本身型的角色」、「得勤其实唔系咁差，佢对老婆好专一，只系太过自恋又怀缅昔日光辉，成日想东山再起，呃呃骗骗搞到神憎鬼厌」、「马神做惯正经角色，今次改变戏路唔系个个惯，我就觉得唔错」、「觉唔觉马德钟老咗似郑少秋？」、「搵佢演丁蟹」。

监制王心慰对此大表感动，并谓看到马神为了得勤这个角色确是下了不少功夫：「佢虽然咁有经验，但依然好勤力同好紧张，佢每次都会睇番自己演成点，又成日加好多自己谂出嚟嘅Punch Line落个角色度，我好欣赏佢。」
为配合宣传，TVB官方网日前上载2015年马神受访，大谈对儿子马在骧将来若要入行的看法：「将来佢选择做乜，只能分析利同害畀佢听，既然佢有条路自己希望选择嘅，你一定要畀佢行；对与错都要畀佢经历。」