我要做业主2丨黄庭锋用台庆巨额奖金上车：讲到尾都要多谢公司

TVB上位小生黄庭锋在2018年台庆当晚赢得100万元巨奖，想不到这笔钱竟然令他成功上车。日前黄庭锋为《我要做业主2》担任嘉宾， 提到在去年购入天水围一个新楼盘，而新屋的首期，正正是当日台庆赢得的奖金，他说：「讲到尾都要多谢公司，喺2018年台庆赢咗个大奖，现金有51万，同埋有49万嘅礼品，夹埋就100万，嗰笔钱一路谂住畀爸爸妈妈任用，阿妈话好似想话去澳洲，我就话攞去啦，跟住佢一啲都冇用过，咁啱有次我哋行过去睇楼，妈妈叫去望一望，嗰阵我又冇话好大欲望。」

他表示当时家人见到附近的环境不俗，又保育，又湿地公园：「嗰次之后，佢隔两日就同我讲一次，话笔钱不如唔好嘥咗摆喺度，不如用嚟畀首期上车。」结果大约2、3个星期后，他们决定将想法付诸实行。黄庭锋又表示一直都有储蓄习惯：「我屋企好得意，妈妈好细个就同我讲要储钱，佢已经畀咗呢个概念我，同埋我唔系好大使，我会将收入嘅一半储起，一直觉得摆喺银行好稳阵，所以冇好急切去做呢样嘢，直到后尾发觉一味去拖就上唔到车，一谂又会拖多1、2年，总会有啲谂法令整件事慢咗落嚟，所以有咗部署之后就要决定果断，当你觉得呢个系正确选择时，就应该去做。」

荣升业主后，黄庭锋坦言颠覆自己的理财概念：「每个月差唔多有一半嘅钱都供喺度，一开始有少少唔惯，我平时唔使钱㗎，点解冇咗咁多？其实系摆咗去供楼，所以又觉得系值得。当我上咗车后，发觉升紧，所以某程度上系改变咗我谂法，不过又未去到好极端，但系有啲位系可以去搏吓！」