独家丨小肥曾经好废而家学会知足　以前唔识扮识又介意人哋点睇

小肥近日推岀新歌《废柴》来纪念岀柜一事，「岀柜只系我人生其中一件事，心魔先系重点……」过去一直戴面具做人的他，自嘲犹如患「被害妄想症」，很在意别人的眼光，令自己愈缩愈细影响到工作机会。小肥在歌唱事业中曾遇瓶颈，虽然不强求再创代表作，但常在颁奖礼食白果也感心灰。撰文：黎宝伦　摄影：沈健程　化妆：Yen Lai　发型：Bowie Lo@Admix Hair Styling　造型：Patrick Ho　 场地：manta.house

以往的小肥唔识埋堆，最怕出席老板级宴会，「以前跟Paco见好多世面，旧公司成日大排筵席，但我好惊见到老板级嘅人，因为唔知点沟通，唔打招呼又冇礼貌，打招呼又惊人哋觉得我搏乜，嗰时我好收埋自己，唔知点同人倾落去。」因担心惹误会，他连识于微时的DJ朋友也疏远，直至2017年制作歌曲《内外》时，监制康家俊一言点醒要诚实，去年终在陈志云网上节目公开同性恋身份，令小肥逐渐开放自己，「有问题会尽快解决，唔会咁左避右避，人际关系都好咗。」

颁奖礼镬镬斋坐
问可曾自觉废柴？小肥坦言过去不肯面对自己的缺点，经常唔识扮识，「你愈去遮就愈显得废，如自己懒听歌，同人围埋一齐讲音乐，冇听过都扮识，而家会好虚心学习。」提到上ViuTV节目《七救星》搵师傅打救，凭岀道作《宠物》和《时光机》令人熟识的小肥，曾在事业上遇瓶颈而感到好「废」，他直言每年带着期望去乐坛颁奖礼，惜最后也失望而回，「究竟做啲咩先令大众接受或嘉许呢？呢样有时系有啲灰嘅。作为艺人时机运气都好紧要，我觉得做歌手要知足，但都要不断追求，好似我而家学唱歌咁，要畀心机再踩多啲油。（再创代表作？）会希望，但唔会强求，作品一定要由心出发。」